Vi er så stolte! Dagens Næringsliv og D2 har kåra Bjarte Hestdalen, leiar av La villreinen leva! til ei av årets leiestjerner. Han får blant anna honnør for innsatsen sin for hytteopprøret og etableringa av La villreinen leva!
Juryen skriv:
«Som lokal ildsjel har Bjarte Hestdalen vist seg både uredd og arbeidsom: Han kritiserer Turistforeningen, lokale utbyggere og hytteglade politikere – og har vært med å bygge opp den nye naturvernorganisasjonen «La villreinen leva!» med lokal forankring. Han pirker til og med i fjellvandrernes selvbilde, for å forsøke å få dem til å forstå at også de kan være en del av problemet.»
Ei viktig anerkjenning
– Det er fint å bli sett for det ein held på med, seier Bjarte.
Foto av oppslag i D2. Tekst: Dagne Omland | Foto: Sigurd Fandango
Leiestjernene er personar som bidreg til å gjera verda meir berekraftig, gjennom jobben sin, handlingar eller gode idear, og med utgangspunkt i FN sine berekraftsmål.
– Dette er så fortent, seier nestleiar Guri Sørumgård Botheim. Bjarte er ei sterkt lysande leiestjerne for styret i La villreinen leva! Det er triveleg og fortent at fleire legg merke til visjonane, drivkrafta og den store frivillige arbeidsinnsatsen hans.
– Nå håpar vi det snart dukkar opp ein sponsor, slik at vi kan ta arbeidet vidare til neste nivå.
Når allemannsretten blir forretningsmodell, betaler naturen prisen
I det store D2-intervjuet fortel Bjarte om fjell, villrein, bygder og utmark. Om verdiar som ikkje let seg måle. Og om kva som skjer når avstanden mellom naturen og avgjerdene som blir tekne om han, blir for stor.
– Med allemannsretten som forretningsmodell, blir ferdsel ein motor for hytter, vegar og kraftutbygging. Når det mest sårbare blir gjort mest tilgjengeleg, averterer vi faktisk Noreg på billigsal. Distrikta, kulturen og naturen betaler prisen.
Sitat frå saka:
På kartet får man inntrykk av at villreinen har store områder til disposisjon. Monitorer viser derimot at de bare beveger seg innenfor et begrenset areal.
– Villreinen beveger seg alltid i motvind, for å lukte fare. Norsk institutt for naturforskning har dokumentert at dersom det går mer enn 30 personer på en sti i løpet av en dag, så vil ikke villreinen nærme seg. Da blir stien en barriere, som en vegg.
(…) En annen grunn til at villreinen ikke lenger er å finne i områdene, er at friluftsaktivitetene våre har endret seg. Når mennesker tar i bruk alt fra elsykkel og kiting til alle mulige typer ski, øker også friluftslivets rekkevidde.
Ynskjer du intervjuavtale?
Kontaktinformasjon finn du her
